星级泰厨创意 泰菜 @Dining娜

(Presented by 水晶晶)

Photo:Issac(部分)

香港嘅 泰菜 店多的是,但要找煮法和味道正宗嘅,我Dining娜就会以有泰厨坐镇为大前提。水晶晶泰国餐厅嘅星级泰国总厨阿朗,曾经喺九龙城1间着名泰菜店担任厨师,经验丰富;同时水晶晶全店嘅师傅都係来自泰国,风味一定够地道。呢度嘅菜式以曼谷菜同泰北菜为主,前者走清新城市风,后者就充满农村气息,而且味道偏辣,各有特色,约埋一班朋友饭叙就可以试均唔同风味。

泰滋味海鲜 泰菜

泰国菜 着重食材新鲜,又锺意用海鲜,加上泰厨爱用各式香料,带出提鲜作用,所以海鲜係 泰菜 必点项目。例如新菜式烧鳗鰽配青芒沙律,阿朗就谂到将鳗鰽同青芒果呢个梦幻组合结合,鳗鰽鱼味浓而爽滑,加入鱼露烧完再炸已相当入味;青芒果拌入泰式沙律,酸辣醒胃。总厨话可单吃鱼或沙律,又可以两样一齐食,清新酸味同鱼香好夹,一味两食,过瘾!

星级泰厨创意 泰菜 @Dining娜
烧鳗鰽配青芒沙律 $128鳗鰽加入鱼露烧完再炸,已好入味;青芒果沙律嘅酸辣有助消腻,单食鱼又得,两样一齐食又得。

而香茅沙律烧大虾,大大只虎虾同秘製嘅香茅沙律酱汁同是主角,酸辣醒胃,係食主菜前嘅开胃菜。

星级泰厨创意 泰菜 @Dining娜
香茅沙律烧大虾 $78 烧虎虾够新鲜,配上香茅、柠檬叶、指天椒、乾葱同泰式酱汁秘製嘅沙律酱汁,酸酸辣辣,即时提升食慾。

总厨善于将各式海鲜混入不同香料烹调,带出每种海鲜的鲜香味道,例如秘製咖喱大肉蟹,就可以食到最传统嘅泰式风味;清迈椒盐脆炸鳝竟然用炸嘅方法,香口、惹味程度出乎意料之外,讚!

星级泰厨创意 泰菜 @Dining娜
泰式秘製咖喱大肉蟹 特价$198(原价$238) 大肉蟹先用洋葱、蒜、辣椒油炒香;另一主角咖喱汁则加入了椰奶同花奶煮,更加香滑,拌饭一流呀,大家连汁都捞埋!
星级泰厨创意 泰菜 @Dining娜
清迈椒盐脆炸鳝 特价$98(原价$138) 鳝蘸上蒜蓉就先炸后炒,香口又脆卜卜,同蒸鳝、烧鳝相比,口感、味道截然不同。

 

星级泰厨创意 泰菜 @Dining娜
泰式家乡粉丝大海虎虾煲 特价$138(原价$178) 用八角、桂皮等香料烹调,开边虎虾同粉丝吸尽惹味食材嘅香味,令人胃口大开。

泰式自创菜式

要在芸芸 泰菜 店中吸引到我Dining娜,心思创意一定唔少得,水晶晶多款自创家乡菜式都好吸睛,阿朗话香港 泰菜 店少见嘅食材组合,佢都会试试结合嘅效果,烧鳗鰽配青芒沙律就係个好例子。仲有马莎拉羊膝,係用唔常见嘅马莎拉咖喱,用来焖羊膝,辣味少,但胜在够香,我班少辣朋友都话啱食!

星级泰厨创意 泰菜 @Dining娜
马莎拉羊膝 $98 羊膝用马莎拉咖喱焖得又软又腍,香而不辣嘅咖喱汁好入味,配埋薯仔、蛋、洋葱等配料食,好滋味,又係叫白饭嘅时候喇!
星级泰厨创意 泰菜 @Dining娜
泰国甲猜鸡髀菇炒田鸡 特价$88(原价$108) 田鸡先炸香,再加入泰国香料甲猜同鸡髀菇一齐炒,泰国风味好突出。

 

星级泰厨创意 泰菜 @Dining娜
黄金粟米饼 特价$48(原价$68) 咬落去唔单止有粟米,仲有蟹肉,口感层次丰富,我只可以讲,食1件係绝对唔够喉。
星级泰厨创意 泰菜 @Dining娜
环境布置好有泰国feel,间隔舒服,又有多个卡位,约班闺密边食边倾,好有私人空间。

3大识食hashtag

泰国总厨不但锺意在菜式中加入不同泰式香料,更对各香料嘅健康功效有深入了解,例如甲猜有驱风暖胃作用,可纾缓肚痛、腹胀;黄姜可驱寒化痰等,大家就可以食得滋味又健康。

#泰国总厨 #泰式香料 #健康

 

水晶晶泰国餐厅

地址:荃湾众安街55号大鸿辉(荃湾)中心1楼103号舖(港铁荃湾站A1出口)

电话:2952 3232

备注:设加一,收现金及信用卡

facebook:水晶晶泰国餐厅